Kant: AA I, MEDITATIONUM QUARUNDAM DE IGNE ... , Seite 372

      
           
 

Zeile:

 

Text (Kant):

 

 

 

  
  01 coacervationem: patet, cumulum in plano, si corpusculis extremis, a et z , tantummodo      
  02 vis quädam obsistat, non horizontalem, sed figuram conicam obtenturum      
  03 esse, quemadmodum sabulum tenuissimum in horologiis arenariis aut      
  04 alia quävis materia in pollinem tenuissimum contrita.      
           
  05
PROP. II
     
           
  06 Acervatio particularum quantumvis subtilissimarum et levissime      
  07 cohärentium tamen staticä legi non satisfacit, pressionem versus latera      
  08 altitudini proportionalem exercendo, adeoque charactere fluiditatis      
  09 principali caret, nisi semet mediante materia quadam elastica premant,      
  10 cuius ope momentum ponderis sui quaquaversum äquabiliter possint      
  11 communicare.      
           
  12 Cum enim ex antecedenti propositione patescat, coacervatas particulas      
  13 immediate se prementes non exercere latera versus pressionem altitudini proportionalem,      
  14 alia quädam materia fluidi elementares partes intercedat necesse      
  15 est, qua mediante ponderis momentum quaquaversum dispertire possint äquabiliter.      
  16 At cum talis materia, quä alicubi pressa aliorsum semet eadem vi expandere      
  17 nititur, elastica communiter audiat: necesse est, ut moleculä fluidorum      
  18 solidä non sibi immediate, sed materiä cuidam elasticä ipsis intermistä      
  19 incumbant, cuius ope, quicquid desuper premit virium, versus latera eadem      
  20 quantitate agat.      
           
  21 Probandum mox erit, hanc, corporis fluidi elementa intercedentem, materiam      
  22 elasticam non esse aliud nisi materiam caloris.      
           
  23
PROP. III
     
           
  24 Corpora dura haud secus quam fluida moleculis continentur non      
  25 immediato contactu, sed materia elastica pariter mediante cohärentibus.      
           
  27 Corpora fluida, ut supra demonstratum est, mediante elastica quadam      
  28 materia cohärent. Ast cum, quä e fluidis induruerunt metalla, aliaque id      
  29 genus corpora semper pro gradu caloris diminuto artius atque artius volumen      
  30 occupent et secundum omnes dimensiones condensentur, adeoque elementis      
  31 ipsorum non deficiat spatium semper sibi propius accedendi, hinc non      
  32 immediato contactu compacta sint: patet, etiam moles corporum durorum materiam      
  33 quandam intra partes suas intermistam continere, qua mediante moleculä      
  34 solidä, quanquam a contactu mutuo remotä, tamen se invicem attrahant,      
  35 aut, si mavis, cohäreant, adeoque hac ratione cum fluidis convenire.      
           
           
     

[ Seite 371 ] [ Seite 373 ] [ Inhaltsverzeichnis ]