Blatt 293 recto Sp. A
1 Dez m̅schin lip ist gemachet
2 vz vier elemente
3 davon so wil ich dir sagen
4 welhes siv sint. Dc erste ist
5 div erde. div ist kvgeleht
6 dc mac man kiesin dabi wa̅
7 so der mane verleschit. dc
8 schinet vns an der ersten
9 stunde d` naht aber die da
10 sint in oriente die sehint de`
11 manen gebresten vmbe die
12 dritten stunde der naht. dc
13 ist darumbe wan ez ist in e
14 naht dan vns dc en mohte
15 niemer geschen en w`e dc dc
16 ertriche niht kvgeleht. vn̅
17 en mitten hoch davon so gat
18 in div sunne e vf danne vns
19 wonde si danne also gar michel
20 ist davon schinet si sleht
21 vn̅ breit vn̅ dc mer hat dise
22 welt in driv also geteilit.
23 Dc minste heizit Europa. Dc
24 ander affrica. Dc dritte asya.
25 Yon dem ertriche sprichet ein
26 phylosoph.' alfraganus. Den
27 minsten sterne̅ den der m̅sche
28 mac gesehin der ist grozir
Blatt 293 recto Sp. B
1 danne dc ertriche alle same̅t
2 vn̅ ein sterne ist als ein punctel
3 gein dem himel. Nv merke
4 wie groz d` himel si gein dem
5 ertriche. Div erde ist der and`n
6 elem̅te reinate vn̅ ein drussene.
7 Vn̅ div erde ist von ir nature
8 durre vn̅ kalt. also. d`
9 nat`en sint och ein teil luͥte
10 den sprechint die azzate Melancolici
11 die artent nach der
12 erden vn̅ sint sorghaft. gerne
13 truric. gitic vn̅ habende. vn
14 getruwe. zahet. vn̅ swarzir
15 varwe. Nv hest dv ein elem̅t
16 dc ist div erde.
17 Dc ander elem̅t ist dc wass`
18 vn̅ ist och cugeleht vmbe dc
19 ertriche als in eime eige dc
20 luter vmbe den duttern gat
21 also vmbegat dc wasser die
22 erde. nvwen dc vns got den
23 luft hie lat dc wir genesen
24 Ez solte anders alles hie wazzir
25 sin. vn̅ ist och dc wazzir
26 kalt vn̅ fuͥhter naturen sint
27 och die luͥte den die meister
28 sprechint sanguinei. die artent
Blatt 293 verso Sp. C
1 nach dem wazzir vnde
2 sint gebinde minnende frolich
3 lachende. vn̅ rotenthaft`
4 varwen vn̅ singent vn̅ feizet
5 sint si. geturstic. vn̅ guͦtmuͦtic
6 Nv hestu dc ander element
7 daz wasser.
8 Dc dritte element dc ist d`
9 luft d` besluzit in sich die erste̅
10 zwei. vn̅ ist warm vn̅ fuͥhte
11 darnach artent die. den die
12 arzate sprechint fleumatici
13 vn̅ sint an slafenne gerne
14 drage vn̅ mugent vil speichlotu̅
15 haben. vn̅ hant herten
16 sin veizt vn̅ wis sint siv g`ne
17 Nv hestu daz dritte element
18 daz ist der luft
19 Dc vierde ist fuͥr. vn̅ ist durre
20 vn̅ warm vn̅ vmbegat
21 die andern alle. d` nach arte̅t
22 die lute die da heizint colorici
23 die sint los drugenhaft. zornic
24 gebinde vn̅ geturstic. ruh
25 cranc durre. vn̅ bleicher varwen.
26 dise vier element gent
27 dem libe fuͦrunge. dc sint die
28 erde wazzir lvft vn fuͥr.
Blatt 293 verso Sp. D
1 Darnach ob disen elemente̅
2 gat ein gar luter gegni
3 an der sibinder sterne̅ die da
4 heizint planeten die gant
5 anders danne ander sterne̅
6 dc mensche sprichit si sin die
7 ierrenden sternen. E danne
8 ich dir von disen siben sterne̅
9 sage so wil ich von dem obresten
10 sagen dc dv ez deste bc
11 merkest. ob disen siben sternen
12 von den ich dir sagende
13 wirde sint alle sternen. vn̅
14 alle sternen an dise siben heizent
15 die steten sternen oder
16 die gesteten. wonde si gestetent
17 si̅t in die witen die da
18 heizit dc firmentum. dc siv
19 gelich balde gant mit dem
20 firmamentum allumbe die
21 elementa. Von dem lande gat̅
22 si her vber da die svnne vf gat.
23 hine da div svnne vnder gat.
24 vnder die erde hine. vo̅
25 disen steten sternen en wil
26 ich nihtesniht sagen iegnote.
27 nvwan dc dise sternen
28 vn̅ ir firmamentu̅ also balde
Blatt 294 recto Sp. A
1 vmbegant dc siv soltent mit
2 im vmbeciehin die vier elementen
3 also gehes dc nihtes
4 niht en solte noch en mohte
5 begruͦne̅ oder bekvmen. da
6 von so het si got beschaffen
7 disen siben sternen dc siv die
8 fuͦren svlent die welt vnde
9 den obresten sternen wider stan
10 sulent. Dc firmamentu̅
11 gat vmbe von orient vil swi̅de
12 zvͦ dem occident aber da
13 wider her dan gant die planeten
14 von occident zvͦ orient
15 Spreche danne ieman ich en
16 weiz wc dv seist. ich weiz wol
17 die sternen gant alle zvͦ
18 orient vf vn̅ ze occident vnder.
19 dez antwurte ich also.
20 die steten sternent gant
21 von dem oriente zvͦ dem occidente
22 naturliche den ganc
23 hant si. aber die planete
24 hant zwene genge. einen
25 betwungenlichen hant si mit
26 dem firmamente von oriente
27 vn̅ der ganc nimet ob`n
28 halb. d` ander ganc ist der
Blatt 294 recto Sp. B
1 naturlich ganc den die planeten
2 hant von occidente wider
3 dc firmamente. d` ganc ist so
4 verdrvckit dc er kvmume schinet
5 wonde aber niema̅ mich
6 liehte noch niht verstat so
7 wil ich ein bizeichen setzin
8 nim ein wurmel vn̅ setze dc
9 vmbe ein vmbegendes rat
10 dc ez crieche wider dez rades
11 lof so gat daz wurmel fuͥr
12 sich vn̅ wirfet dc rat vmbe
13 diz wurmelin hin wider vil
14 menic werbe e* dan ez gecrieche
15 wider an dc zeichein da
16 ez anhuͦb also wirfet dc firmamentu̅
17 die planeten von
18 oriente zvͦ dem occidente aller
19 tegelich vmbe der wider strebint
20 die planete vn̅ sument
21 sich dc siv niht also schiere
22 vndergant also die steten st`nen
23 dc ander bizeichen ist die
24 meister sprechint. vn̅ ist och
25 war so dvͥ creature ie lieht` ist
26 so dringet ez ie me hin vf alse
27 dvͥ flamme. dc abir ie swerer
28 ist dc dvget so ez meist mac zvͦ
Blatt 294 verso Sp. C
1 dem centrum dc ist zvͦ dem allir
2 mittelsten puncten der en mitten
3 in dem etriche stat der heizit
4 daz centrum also der puncte
5 der en mitten in eime vmbe creise
6 ist der heizit och der
7 centrum als dvͥ ki`en maht
8 an dirre figuren nemest
9 dv denne einen stein vn̅ wurfest
10 in hohe vf. so het er zwene
11 genge einen hin vf betwungenliche̅
12 vn̅ sinket doch naturlichen
13 dc er dreͣtecliche stiget
14 so er danne den betwungenlichen
15 ganc verlat so vellet
16 er swinde also hant och
17 die planeten zwene genge
18 d` erste planete heizit. Saturn'
19 der ander Jvpiter. darnach
20 Mars. vn̅ danne die svnne.
21 vn venus. Mercurius. vnde
22 der Mane. Jvpiter vn̅ venv̾
23 sint geluckehaft. Saturnus
24 vn̅ Mars vbil aber die sunne
25 vn̅ der mane. vn̅ mercuriv̾
26 sint etwenne guͦt etwenne
27 vbil. Saturn' ist kalt vn̅ durre
28 Jupit` heiz vn̅ fuͥhte. Mars vn̅
Blatt 294 verso Sp. D
1 die svnne heiz vn̅ durre. d`
2 mane vn̅ venus fuͥhte vn̅ calt
3 Mercurius het mittelmeͣsige
4 nature vn̅ het ie einer witern
5 ganc danne der ander
6 dc maht allis kiese̅ an d` fige̾n
7 die hie nach gat
8 Dise figura betvͥtet die welt
9 wenne die elem̅ten vnd
10 die himmele die
11 hie getecket
12 sint daz heizzet
13 als die welt
14 Primus motus oder primum mobile
15 dc ist der himel der oberest
16 der da vmbegat
17 D` mazse
18 tvͥtet hvndert
19 iar vnd heizzet
20 ovch dvͥ welt
21 Kvͥtes in tuͥschen gelich in latine
22 heizit div erste welt mu̅dus.
23 dvͥ ander welt seculum
24 In dem aller oberesten himel
25 da ist ewekeit da got ist ob
26 dem primu̅ Mobile. aber hie
27 ist zit zergenclikeit. Sit dc
28 ich danne von der zit
29 geret ein wenic habe so wil
Blatt 295 recto Sp. A
1 ich von der zit furbc sagen
2 davon wissest dc wir der zit
3 niht me hant denne ein vil
4 cleines stundel dc dv ez kvme
5 maht volle cleine merken
6 vn̅ die fuͥr gevarne zit en ist niht ein zit
7 die kvnftige zit. ist niht ein
8 zit. vn̅ diz stu̅del en ist och
9 niht ein zit. ez ist nvwen ein angenge
10 d` zite als ein pu̅ctel
11 einer linien anegenge ist
12 vn̅ ist doch niht ein linige
13 also ist ez vmbe diz studel
14 Yn̅ en ist niht ein zit davo̅
15 sprach der wise man sant augustin'
16 wir sin in der zit
17 wir reden von der zit waz
18 abir div zit sie dc v`misse
19 wir genzliche. vn̅ geschiht
20 der zit als der ein linigen
21 mache wil mit einer nadeln
22 durch win in eime napfe
23 dc gestrichene ein ist niht
24 dc dv solt strichen en ist niht
25 vn̅ belibet dir nvwen ein
26 punctel. d` abir dich fraget
27 waz danne div zit sie. so sp@ch
28 die zit ist ein twale an der
Blatt 295 recto Sp. B
1 die zergenclichen dinc beweget
2 werdent. Ein naturliche
3 dac den die romer zvͦ mitter naht
4 anhebent der gat wonde
5 got wart ze mitter naht
6 geborn der gat ze mitt` naht
7 vz. der bi vier vn̅ zwenzic stu̅den
8 die luͥte teilent iu. in ein
9 naht vn̅ in einen tac die naht
10 dc ist der erden schetewe die
11 von der sunnen gant. Aber ein
12 meist` heizit aristotiles d` sprichet
13 von dem tage der da dez naturlichen
14 tages teil. ist. vn̅ sprichet
15 sin wort zvͦ latine also
16 dies est lacio solis sup` terram
17 D` tac sprichet er ist d` svnnen
18 vfganc vbir die erde. div erste
19 stunde dez sunnentages
20 an d` richzet der planete die
21 svnne davon heizit ez sunne̅tac.
22 der ersten stunde̅ dez me̅tages
23 richzet d` mane davon
24 heizit er mendag. An d` erste̅
25 stunde̅ dez cistages richzet.
26 Mars davon heizit er martis tac.
27 an der ersten stunde̅ der
28 mitwochen so richzet Mercuri'
Blatt 295 verso Sp. C
1 An der ersten stunde̅ dez dvnrestages
2 richzet Jvpiter. And`
3 der ersten stunde̅ dez fritages
4 richzet venus. dc betuͥtet eine
5 minnegotin. An der ersten
6 stunden dez samztages richzet
7 Saturnus. nach disen planete̅
8 hant die heiden ir tage in der
9 wochin genant vn̅ zellent
10 siv also nach einander. Dies
11 solis. Dies lune. Dies martis.
12 Dies mercurij. Dies iouis. Dies
13 veneris. Dies Saturni. Nv weistu
14 wol iegliches tages waz
15 planeten an d` ersten stunde̅
16 richzet an der andere̅ stunde̅
17 richzent ie die andere̅. an de̅
18 dritten richzent die dritten
19 die ie darnach gant. als an
20 dem samztage d` ersten stunden
21 richzet Saturnus. an der
22 and`n Jvpiter. an der dritten
23 Mars. an der vierden sol. an d`
24 fuͥnften venus. an d` sehzten
25 mercurius. an der sibende̅ luna.
26 an der ahten saturnus
27 also aber an vn̅ vz bis d` tac
28 hine kvme. vn̅ tvͦ dem and`n
Blatt 295 verso Sp. D
1 als dem ersten so weist dv
2 alle stunde̅ wc planeten de̅ne
3 richzit dez wartent die
4 wisen so siv dre̅ker gent oder
5 so siv lazent. so wartent si
6 weder d` stunden planeta vͥbel
7 oder guͦt si. aber die iuden
8 virent den samztage vn̅
9 heizit salbatum zvͦ latin vn̅
10 nach d` iuden wisheit d` sunnendag
11 in latine pͥma sabbati.
12 der mendac scd@a sabb@i
13 Danach. tercia salbati. vn̅
14 de̅ne quarta sabbati. quinta
15 salbati. vn̅ sexta salbati. Ab`
16 die cristen die sprechint de̅
17 sunne̅tage den siv da virent
18 Dni̅ca dies dc ist in tuͥschen
19 vnsers herren tac dem selbe̅
20 sprechint si och. prima feria
21 dc kit der erste dag. dem me̅tage
22 sprechint siv. scd@a fi`a.
23 vn̅ danne tercia fi`a. quarta
24 fi`a. quinta feria. sexta fi`a.
25 vn̅ danne salbatum dem tatage
26 sprechen wir als die iuden.
27 wande salbatu̅ betutet
28 rvͦwe. dez tages rvͦwete got
Blatt 296 recto Sp. A
1 von alleme dem werke daz
2 er worhte. vn̅ ruͦwete och in
3 dem grabe dez selbin tages
4 nach der marter der denne
5 fragte warumbe en began
6 wir niht ander vire vn̅ die
7 woche anzevahinne den samztag
8 als die iuden. darzvͦ soltu
9 antwurten dc wir dc von
10 der meisterschaft gottes
11 hant. wan er wart dez sunnentages
12 geborn dez selbin
13 tages erstuͦnt er. vn̅ sant
14 sine gabe dez heilige geistes
15 sine iungern an dem selben
16 tage. Dc iar teilent die luͥte
17 in zwei. in den winter vn̅ in
18 den sumer abir die meister
19 teilent ez in vier teil. In den
20 winter der vat an sant clemente̅ tac
21 an ein meister
22 heizit nvmma pompei' d` vahet
23 dc iar an in dem winter
24 so die sunne in dem zeichen
25 loͮfet dc da heizit capricornv̾
26 wan so ist die sunne aller
27 verrest von vns vn̅ begi̅net
28 vns nahen. so ist ez och solsticium
Blatt 296 recto Sp. B
1 hyemale dc wint`lich
2 solsticium. solsticium dc ist so
3 die sunne als verre ist dc si
4 niht verrer mac. oder so nahe
5 dc si niht naher en mac so ist
6 die sunne aller verrest vn̅
7 ist die zit kalt vn̅ fuͥhte so
8 svln wir vmbekeren die gewonheit
9 vnsers lebins vnde
10 svlint spulgen warmer spise
11 Dc ander teil heizit der lenze
12 dc vahit an sant peters tag
13 ane. Ein meister heizit Romelus
14 d` vahet dc iar ane in dem
15 lenzen. so die sunne loͮfet in
16 dem zeichen dc da heizit aries
17 wan so blugent ellvͥ dinc so
18 ist ez och equinocciu̅ vernale
19 zvͦ merzen. so ist der lenzeliche
20 equinociu̅. Equinociu̅ dc ist
21 so duͥ naht vn̅ der tac gelich
22 lanc sint dc iar gat zvͦ merze̅
23 uon rehte an nach der heilige̅
24 schrift. wan div welt wart
25 gemaht. 15. kal% aprilis. vn̅
26 me. vnser herre gebuͥtet an
27 eine buͦche heizit exodus in
28 dem zwelten capitele. von de̅
Blatt 296 verso Sp. C
1 merzen vn̅ sprichit. Mensis
2 iste primus erit vobis in me̅sib@'
3 dc ist dirre manat sie
4 iͮch der erste vnder den manoden
5 so ist div zit warm vnde
6 fuͥhte so ist geismilch gesu̅t
7 so ist och dencheine zit besser
8 lazen ze badenne. vn̅ zvͦ alle̅
9 deme dc den lip reinet. Dc dritte
10 teil heizit der sumer der nahet
11 an sant vrbans tag. ein
12 lant heizit. arabia. dez landes
13 luͥte vahe̅t dc iar an in dem
14 sumer so die sunne loͮfet an
15 dem zeichen. dc da heizit cancer
16 die selbin geloͮbint daz
17 die sunne wurde gemaht
18 an dem zeichen. dc da heizit
19 leo. so aber in cancro dvͥ sunne
20 loͮfet so ist ez solsticium
21 estiuale. dc svmerliche solsticium
22 so vns die svnne aller
23 nahest ist so ist div zit war̅
24 vn̅ durre so sol man sich hvͦten
25 vor allen heizin spisen.
26 vn̅ derre̅der. vn̅ vor zvͦ vil essenne.
27 dc eime mensche̅ sin
28 naturliche hizze ivt c`ga. so
Blatt 296 verso Sp. D
1 sol man essen swc kvle vn̅ fuͥhte
2 si. so sol man sich huͦten vor
3 vnkvͥschekeit vn̅ vor allem
4 lasenne. so man meiste mac
5 dc ist dem libe guͦt. vn̅ man
6 sol kaltvͥ beder mezeclich vbe̅
7 Dc vierde teil dez iares heizit
8 der herbest dem anvahet an
9 sant Bartholomeus tag.
10 Etliche meistere vn̅ die iuden
11 vahent dc iar an in dem herbest
12 so die sunne lofet in libra.
13 vn̅ so ist eqͥuociu̅ autu̅pnale.
14 dc winterliche eqͥuociu̅
15 so sint tac vn̅ naht gelich
16 lanc so vahent siv dc iar an
17 wan der herbest ist ein fruhtber
18 zit also dc iar denne ist
19 beroͮbet von den alten fruhte̅
20 vn̅ die nvwen fruhte denne
21 anegant. also gat ein alt
22 iar vz ein nvwes an. so ist dvͥ
23 zit kalt vn̅ durre so sol ma̅
24 brvchen die spise die warm
25 vn̅ fuͥhter naturen sien als
26 iunge huͦnre vn̅ le̅berin fleisch
27 vn̅ edil druben vn̅ lutern
28 virnen win vn̅ sol man sich
Blatt 297 recto Sp. A
1 huͦten vor vnkvͥscheit mit
2 wiben. dez
3 herzen frode vn̅ friheit ane
4 boͤse geluste ist dem libe gar
5 gesunt. zorn sorge vn̅ wider muͦte
6 swendet die craft vn̅
7 den lip. vn̅ dracheit davon
8 sol man die dracheit v`triben
9 vn̅ so man morgens von dem
10 slafe gat so sol die arme gelich
11 denne̅ vn̅ dc hoͮbit strele̅
12 vn̅ ogen den munt vn̅ die
13 zene vn̅ hende weschen dur
14 svverheit vn̅ dur roscheit so
15 man denne essen sol so sol ma̅
16 vor de̅ lip muͦge̅ ein wenic
17 mit " arbeit " etlicher wan dc
18 machet den lip rosch vn̅ liht
19 vn̅ erhitzit den magen wol
20 ze dowenne ein ieglich m̅sche
21 enziehe sich trinkennes so
22 ez meiste mac aller meiste
23 kaltes wazzers vf dc essen
24 wan ez erkeltet den magen
25 vn̅ wan ez ierret den lip vn̅
26 die spise. So man danne gisset
27 ze inbisse so sol man vf
28 senften betten ein wile slafe̅
Blatt 297 recto Sp. B
1 vf der rehten siten vn̅ darnach
2 vf der lingen siten sol man de̅
3 slaf vollebringen vf der linge̅
4 site̅. vn̅ danach en sol man nit
5 zestunt essen biz d` mage itel
6 werde dc sol man kiesen bi der
7 du̅neda der speicholter vn̅ bi
8 der gerunge dez magen. wanne
9 swer in vmbederbe izzet
10 vn̅ ane begegerunge. so en
11 vindet div spise niht dez mage̅
12 naturliche w`mede davon kvmit
13 vngesuntheit. Sw` aber
14 erbeitet rehter zit biz dc er
15 begerunge gewinnet zessenne
16 der sol alzestunt essen anders
17 der mage wirt zehant
18 vol boser fuhtekeit die der
19 die d` mage samenot von d`
20 vngesuntheit dez libes vn̅ d`
21 boͤse loͮm der betrubet die hirne.
22 vn̅ der danach och isset
23 so ist die spise alse si erschrecket
24 sie vn̅ en git niht craft
25 dem libe dise lere wiset aristotiles.
26 vn̅ och dise dc du wissest
27 dc die durrecheit vn̅ keltene
28 die vehtent wid` die nature
Blatt 297 verso Sp. C
1 die selben zwei die sint ein anegenge
2 dez todez den soltu wid` stan.
3 als ich geseit habe so behalt
4 die naturliche w`mede
5 so dv meist maht warme spise
6 ist gesunt vn̅ die suͦze. Aber
7 dawider so derret vn̅ swechit
8 den lip luzil essen vn̅ vil trinken
9 vn̅ vaste arbeite̅ vn̅ vil
10 wallen oder gan vn̅ der sune̅ schin
11 vor essenne slafen. od`
12 vf herten betten ligen. vn̅ dc
13 man bade in dem badern die
14 mit listen gemaht sint dc
15 siv selber warment. gesalzene
16 spise oder durre spise
17 oder calte. vn̅ alten win vn̅
18 dicke lasen die sint schedelich
19 Nv weistv wol wie man dc
20 iar in vier teile teilet. Nv
21 wissist dc wir damitte vier
22 frone vasten hant. wonde dc
23 mensche vzer vier elemente̅
24 gemahet ist dc ez allen sine̅
25 lip verzehene gotte. Eine frone vaste
26 ist die mittewoche
27 nach sante Lvcien dage. die
Blatt 297 verso Sp. D
1 ander ist die mittewoche nah
2 dem schurtage in der vaste̅
3 die dritte ist div mittewoche
4 nach dez heiligen geistes dage
5 dc ist in der pfingestwochen.
6 die vierde vn̅ die hinderste
7 frone vaste. ist die
8 mitwoche in dem herbeste
9 nach dez heilige̅ cruces
10 tage. D` babst het gebotten
11 ze vastenne den abent sant Peters
12 sci̅ andree sci̅ symoi̅s
13 sci̅ pauli. * sci̅ iude. sci̅ Mathei
14 ist abir dirre heilige̅ abent
15 ein sunnentage so sol man
16 den samstag vasten.
17 also sol man anderen
18 zwelfbotte̅ abenden och tvͦn
19 ez si danne ein d`ch etliches
20 landes redeliche gewonheit
21 Ane sci̅ iohannis ewangel@iste̅ abint
22 wonde er zvͦ hant nach
23 dem frolichen wichen naht tage
24 gat. vn̅ ane sci̅ philipes
25 vn̅ ane sci̅ iacobes abent an
26 den erste̅ abent vor de̅ meige tage
27 wande ez ist danne̅ ei̅
Blatt 298 recto Sp. A
1 zit der froͮden danne. Noch
2 danne sint sehz hohzit der
3 abint man vasten sol. Wihe naht.
4 Pfingsten. Svnegiht.
5 Laurenti. vnser frowen messe
6 der erren. vn̅ och sant Markes tac.
7 alles dc iar in vier
8 zit geteilit ist. also teilent
9 och die arzate den naturlichen
10 tac d` vier vn̅ zwenzic
11 stunden het in vier teil. vn̅
12 iegliches het sehz stunde.
13 dc erste dc ist die mitte naht
14 darzvͦ horint drie stunden
15 die der vor sint. vn̅ drie dar
16 nach. vn̅ sint fuͥhte vn̅ kalt
17 dc ander teil. dc ist d` sunne vfganc.
18 darzvͦ horint drie
19 stunde̅ der vor. vn̅ drie d` nach
20 vn̅ sint warm vn̅ fuͥhte. dc
21 dritte teil ist der mittetac
22 darzvͦ horint drie stunden
23 der vor vn̅ der nach drie. vn̅
24 sint warm vn̅ durre. daz
25 vierde ist der sunnen vnd`ganc
26 darzvͦ horint drie stu̅den
27 die der vor sint vn̅ drie
28 der nach. vn̅ sint kalt vn̅
Blatt 298 recto Sp. B
1 durre. dc mahtu kiesin an dirre
2 figuren die da betuͥtetet
3 naturlichen
4 tag der an
5 d` mitten naht
6
7 ane gat
8 vn zvͦ mitt` naht
9 vz als ein vmbecreis also vahent
10 die romer den naturlichen
11 tac an also teilit man
12 dez menschen lebtage in vier.
13 dc erste ist die kintheit. iugent.
14 manheit. vn̅ dc alter
15 also sint och vier winde. vn̅
16 het ieglicher zwene anhenge
17 oder zwene knehte. der
18 erste heizit Boreas der weget
19 von septetrione dc ist vo̅
20 dez wegenes gerihte. H`. dc
21 ist von der mitter naht. der
22 ander heizit eurus bisa od`
23 nider wint vn̅ weget von
24 oriente. der dritte heizit
25 Auster wazzirwint. von
26 dem mittem tage. d` vierde
27 heizit waltwint od` ab`er wint
28 zephirus von occide̅te
Blatt 298 verso Sp. C
9 dise winde vn̅ ir anhengende
10 winde maht dv kiesin an dirre
11 figuren. wande danne dvͥ
12 zit nach dem manen vn̅ der
13 sunne̅ vn̅scheiden ist davon
14 wil ich sagen etwc von in e* da̅ne
15 ich ivt me von der zit sage
16 Nv wissest dc etliche meistere
17 sprechint dc alle sterne̅ irn
18 schin enpfahent von der sunnen.
19 so sprechint and`e denkei̅
20 sterne wan der mane enpfahit
21 den schin von der sunne̅
22 also en loikenet nieman dc
23 der mane enpfahet sin lieht
24 von der sunnen wonde denne
25 d` mane vil nid`er ist vn̅ wonde
26 er sich och hinderer so kvmet
27 er etwenne vnder die sv̅ne̅
28 vn̅ bedeckit si vns dc vns
Blatt 298 verso Sp. D
1 dunkit si sie erloͤschin vnde
2 der gebreste der sunne̅ heisset
3 eclipsis solis dc ist ein gebreste
4 der sunne̅ alse dvͥ kiesen
5 maht an dirre figure̅
6 vn̅ wissest dc in dem
7 eclipsim
8 nivt en
9 siht in allem
10 lande
11 d` selbe eclipsis
12 en widerfert niemer so der
13 mane enzvndet wirt so sich
14 der mane gehindert so v`re
15 dc er die rihte gengen der
16 sunne ist gestellet dc die erde
17 der entwichen ist so schinet
18 div sunne vf dc ertriche
19 vn̅ dez ertriches schatewe driffet
20 an den manen dc er swarz
21 wirdet d` gebreste heizit
22 eclipsis lune dc ist ein gebreste
23 dez manen vn̅ ist werlichen
24 ein breste dez maneschines
25 denne der breste den d`
26 sunne widervert. wenne
27 die sunne v`leschit niht so
28 v`leschit d` mane. dez mane̅
Blatt 299 recto Sp. A
1 bresten kiesint ellvͥ lant wol
2 vn̅ der eclipsis en widervert
3 niemer nvwen so der mane
4 vol schininet vn̅ vierzehin
5 nehtic ist als du hie kvsest
6 davon wc es wider die nat`e̅
7 vn̅ ein wunderlich gottes zeichin
8 dc die sunne die eclipsin
9 niht en het nvwan
10 so der mane enzvndet wirt
11 als ich da vor geseit
12 habe dc die
13 sunne sp@ch
14 ich do got
15 mart`t wart
16 eclipsim hete swie
17 so der mane ioch do vol
18 schinet wc davon liset man
19 von eime wisen heiden d` wc
20 in criechen landen von einer
21 stat heizit athene da ware̅t
22 hoͮbtschuͦlen der wise man
23 hiez diosius. do der den wu̅derlichen
24 gebresten ersach
25 do sprach er aut deus nature
26 patit`. aut mundi machina
27 dissoluet`. dc ist antwed` got
28 got d` nature̅. lidet not. od`
Blatt 299 recto Sp. B
1 der welte stift oder machu̅ge
2 sol zerstorit werden. Ein meister
3 heizit Martianus der wil
4 ez en sie danne eclipsis lune
5 dc der mane ellvͥ zit volschinic
6 sie swie ioch wise luͥte
7 sprechint dc der mane gebrestenlich
8 lieht habe vo̅ eime
9 manade an den andere̅. vn̅
10 sprichet denne ieman wie
11 mac dirre meister danne
12 war gehaben sit man wol
13 sihet dc der mane etwenne
14 crumb ist also. etwenne
15 halb also. etwenne vol also
16 dez entwurt ich dir. D` mane
17 ist alle zit halb lieht.
18 halb vinster wonde denne d`
19 mane niderer ist denne die
20 sunne so er denne enzvndet
21 wirt. vn̅ bi der sunne̅ gat
22 so ist er obene lieht vn̅ vnde̅
23 vinster so er denne hinebc
24 kvmet von der svnne̅ so sehen
25 wir nvwa̅ den halben
26 schin. so er denne aller verrest
27 cumet so sehen wir
28 den vollen schin vn̅ ist and`t
Blatt 299 verso Sp. C
1 halb vinster also ist der mane
2 an dem teile volles lieht`es dc
3 gein der svnnen ist gerihtet
4 vn̅ an dem andern teile ist er
5 vinster. vn̅ so der mane vns
6 niht en schinet so er enzvndet
7 wirt so sprichit man im coniunctio
8 vn̅ die nam̅ het d` mane
9 nah einander also dv kiesen
10 maht an dirre
11 figuren tuse̅t
12 iar heizent
13
14 ew̅
15 daz
16 ist ein alt`
17 hundert iar heisse̅t
18 seculum dc ist ein welt
19 wufzehe̅ heissent indicto̅ daz
20 hant die romer gemaht do
21 si vor so gewaltic warent dc
22 siv herschete̅t vil bi vber alle
23 riche do mahte̅t siv in div lant
24 cinshaft alle iar. wonde ez de̅ne
25 kvmberlich wc alle̅ iar zvͦ
26 rome varn zins antwurten
27 davon gebutent siv den von
28 verren landen dc si so vu̅f iar
Blatt 299 verso Sp. D
1 vzgiengent golt ze cinse
2 brahtent zeime zeichen dc svͥ
3 heren werent. Abir nach fiu̅f
4 iaren dez brahtent silber dc
5 man d` mitte soldener bereite
6 soldener dc sint die da vehte̅t
7 vmbe solt dc ist lon. Aber da̅ne
8 nach fivnf iaren dc siv
9 brahte̅t gesmide dc man wafe̅
10 damitte wider gemahte
11 vn̅ ie fuͥnf iar heissent lustrum
12 so cum der zins von allen
13 lande̅ in dirre in dirre i̅dictione
14 aller zvͦ samene dc
15 man danne ni̅t ein v`gessin
16 dirre zal so hant die romer
17 vfgezzit vfgezzit dc dekein
18 p̚uilegiu̅ dc ist hantvestene
19 frome were. man en schribe
20 danne vnd` fuͥnfzehin iaren
21 welhes iares d` brief wurde
22 gegebin. vn̅ die zal schriben
23 wir och an drier hande̅ briefe̅
24 an hantvestene an den briefen
25 damitte man kirwihe
26 betruͥget. vn̅ an den briefen
27 die man schribet an die grozen
28 osterliche kerze̅ der da̅ne
Blatt 300 recto Sp. A
1 gerne wuste vnder disen
2 fuͥnfzehin iaren in welheme
3 iare wir ieze sint der
4 tuͦ driv zvͦ den iaren von gottes
5 geburte wande got an
6 dem vierden iare geborn wart
7 vn̅ teile danne die gottes iar
8 zvͦ fuͥnfzehine̅ en belibet
9 danne niht vber so
10 sin wir in dem fuͥnfzehendeste̅
11 iare belibet aber danne
12 vber also menges so danne
13 vber belibet in eime soliche̅
14 sin wir. d` ahte tac vor dem
15 octobri ist ein anegenge dirre
16 fuͥnfzehin iare vn̅ ein ende
17 Nv wil ich dir sagen von d`
18 zit die man ahtet in eime
19 svnder̅ iare da wissest daz
20 man drie hande manode̅ war nimet.
21 dc die erste̅ sint der
22 svnne̅ manden. die andern
23 sint dez manen mande̅. die
24 dritte̅ der gewonheite manden.
25 E danne ich davon iht
26 sage so will ich dir ein wenic
27 kvnde̅ vor hin dc guͦt darzvͦ
28 ze wissenne ist. D` vmbega̅c
Blatt 300 recto Sp. B
1 den alle sternen hant vmbe
2 vns an dem himele heizit so
3 diac' zodiac'. dirre zodiacus
4 ist zerteilit in zwelfvͥ i̅zwelfvi.
5 vn̅ ieglich zeichen ist geteilit
6 in drizic stucke vn̅ ieglich
7 stucke heizit ein grad'
8 dc ist ein staffel. vn̅ so dv wellest
9 wissen an welheme zeichen
10 vn̅ in welheme gradv
11 div svnne̅ sie. so nime die
12 zale d` tage die dafuͥr sint
13 gevarn. in dem mande̅ in de̅
14 dv ez besuͦchen wilt vn̅ tuͦ
15 fuͥnfzehin darzvͦ werdent
16 denne drizic oder minre
17 da. so ist och div su̅ne in der
18 staffeln dez zeichens dazvͦ
19 dem mande horit driffet de̅ne
20 vber drizic so ist die sunne
21 vser dem zeichin also
22 menges danne vberic ist i̅
23 einer solichen staffeln dez
24 and`n zeichenes ist die su̅ne
25 Ein philosoph' ein vollecom̅
26 meist` sprichit die sunne
27 vb`misset ein zeichen d` zwelfer
28 an eime ganze̅ manode
Blatt 300 verso Sp. C
1 da nemet er d` sunne̅ mande̅
2 d` sunne̅ mande dc ist die zit
3 die wile die sunne an eime
4 zeichen loͮft. Ein zeichin heizit
5 Aries. dc betuͥtet eine̅ wider
6 wan so ist die sunne als
7 ein wider hi̅dene swach gegegen
8 dem wint` wonde si
9 wenic durrekeite vn̅ wermede
10 het. Abir davorne gege̅
11 dem sum` ist si me creftic. dc
12 halbe teil dez himels obne
13 dc wir da sehint dc heizit hemispiriu̅
14 dc wir danne niht
15 en sehen dc heizit och also als
16 hie wonde denne die
17 sunne so si an dem ariete
18 gat von dem vndersten
19 emisperio sich gekeret hat
20 zvͦ dem obersten als ein wid`
21 der in dem winter als vf d`
22 lingen siten lac. der keret sich
23 ze sumer vf die rehte. vn̅ och
24 davon heizit diz zeichen aries
25 an dem die sunne wart gemaht.
26 als die cristenheit sprichet
27 abir anders sprechint
28 arabes dc sint luͥte von eime
Blatt 300 verso Sp. D
1 lande dc heizit arabia. die
2 sprechint die sunne wurde
3 gemaht in leone Ein and`
4 zeichin heizit taurus. wan
5 die zit so div sunne loͮfet in
6 tauro so schinet d` ohsen arbeit.
7 vn̅ als ein ohse sterker
8 ist danne ein wider. als ist
9 die zit danne sterker da̅ne
10 die erste. an durre vn̅ an
11 wermede. Ein ander zeiche̅
12 heizit gemini wan so ist duͥ
13 zit zwivaltic an wermede
14 vn̅ an durre. Ein ander
15 zeichen heizit kanker. wan
16 als der crebse hinder si gat
17 als gat danne die sunne
18 zvͦ dem vndersten emisp`io
19 von irme hohsten gange.
20 so ist solsticiu̅ estiuale. Ein
21 ander zeichen heizit Leo. wa̅
22 als dc tier gar heizir nature̅
23 ist vn̅ vbil. als ist die su̅ne
24 denne gar heiz vn̅ durre
25 danne ist dc lazen schade.
26 wan danne die lute v`smahtent
27 sint. von hitzen vn̅ vo̅
28 durrekeit so sint huntlich
Blatt 301 recto Sp. A
1 tage. wan so gat die su̅ne
2 bi eime sterne̅ der heizit
3 canis. wan er als reht vbil
4 ist. Ein ander zeichen heizzet
5 virgo danne ist div zit
6 vnberhaft als ein maget.
7 Ein ander zeichen libra.
8 so sint tac vn̅ naht als gelich
9 lanc als der ein ding
10 wege mit einer wagen.
11 Ein ander zeichen heizzit
12 Scorpio. so ist div zit ein wile
13 minneclich. vn̅ danach
14 kalt vn̅ drureclich. als daz
15 scorpio dc leckit mit d` zvnge̅
16 vn̅ stichet danne mit dem
17 zagele. Ein ander zeichen
18 heizit sagitarius. wan so
19 schuzit der winter an vns
20 sine freisen wazgewittere
21 wint regen hagel sne. vn̅
22 frost. Ein ander zeichen heizit
23 capricornus. wan als d`
24 capricornus vfstiget nach
25 den loͮbirn. als stiget die svnne
26 danne von dem vnderste̅
27 emisperio zvͦ dem obersten
28 so langent die tage. vn̅ ist
Blatt 301 recto Sp. B
1 solsticiu̅ hyemale. Ein and`
2 zeichen heizit aquarius so ist
3 der luft gar wasserehte. vn̅
4 fuhte. Ein anders heizit pisches.
5 so ist die zit so gar
6 wasserehte dc man mohte
7 sprechin ellvͥ di̅c swumme̅t
8 als vische. Och sprechint
9 etlich meistere dc dise zwelf
10 zeichen also genant sint
11 darumbe wan die sternen
12 die in der selbin gegni sint
13 die sint gestalt nach den tieren
14 nach den si genant sint.
15 Nv sol ich von dez manen
16 manden sagen. dez manen
17 mande ist div zit. in der der
18 mane widerkeren mac vo̅
19 der sunnen so er enzvͥndet
20 wirt. so lat er die sunne fur gan
21 vn̅ sumet sich biz er wider
22 zvͦ der sunnen kvmet.
23 Also widerkeret er von der
24 sunne̅ wider zvͦ der sunnen.
25 Alle tac vier puncten. vn̅ ie
26 ein puncte ist ein zehinde
27 teil eines zeichins d` zwelf
28 zeichine. Einer hande zal heizit
Blatt 301 verso Sp. C
1 epacte die leret welhes
2 tages der mane enzvndet
3 werde die ist swere vn̅ erdrozzenlich.
4 davon vant vns der
5 keiser iulius d` wc an de̅ sternen
6 ein guͦt meister der va̅t
7 ein besir zale. Die heizit die
8 guldin zal. Er wartete eines
9 iares welhes tages der mane
10 enzvndet wurde. vn̅ schreib
11 eines dar. also tet er a̅
12 allen den tagen da der mane
13 ander wart bis dc iar vzka̅
14 dez andern iares so d` mane
15 enzvndet wart so schreip er
16 zwei. Dez dritte̅ iares driv. vn̅
17 also biz an dc nvͥnzehende iar
18 do schreib er nvͥnzehene an
19 dem zwenzicgosten iar wa
20 da̅ eines geschriben wc da wart
21 ie d` mane enzvͥndet. als gat
22 dize rechenunge an dem eine̅
23 an. vn̅ an nunzehene̅ vz.
24 Nv wil ich von dem gewonlichen
25 manden sagen. d` gewonlich
26 mande dc sint die tage
27 die von den alten ziten vn̅ nv
28 geschribe̅ sint in vnsern kalendenern
Blatt 301 verso Sp. D
1 davon wizzest dc
2 romelus d` meister wc d` erste
3 vnder den romeren d` dc iar
4 mit den manden teilte d` mahte
5 niht wan zehen manden.
6 Yn̅ sprach ez were ein iar dc
7 tet er darumbe wan ein froͮwe
8 ein kint niht langer treit
9 dan zehin mande̅. vn̅ in
10 sinen ziten wc gewonlich dc
11 ein frowe nach ires mannes
12 tode an ander man beleip vb`
13 zehin manden. den ersten
14 manden nante er marciu̅.
15 wande sin vater mars hiez
16 oder als die heidene gloͮbit
17 mars dc ist ein stritgot nach
18 dem mac och dirre mande
19 wol heizin. wan die romschen
20 kvnge fuͦrent die zit an de̅
21 strit so suͥ vrluge hetent.
22 Do nante romulus den anderen
23 mande̅ aprilem den namen
24 gab er im von dem worte
25 ap`ire. wan in der zit so tuͦt̅
26 vf dez ertriches vn̅ der boͮme
27 pori. Do nante er den dritten
28 Maeien nach dem worete Maiores.
Blatt 302 recto Sp. A
1 wan die merre̅ mahtent
2 danne ir spil ze rome.
3 Den vierden nande er Jvniu̅
4 wan so hetent die iungen ir
5 spil. Den fuͥnfte̅ nante er Quͥntilem
6 nach dem worte qͥnq@.
7 Den sehsten sextilem nach de̅
8 worte sex. Der sibinde heizit
9 september von septem. vn̅
10 von ymber als der spreche
11 er ist der sibinde nach dem
12 regenlichen manden dc ist
13 der merze. ze gelicher wiz
14 heizit der " mande " ahte october
15 von octo vn̅ von ymber.
16 Yn̅ der nvͥnde novemb` von
17 nouem vn̅ ymber. D` zehinde
18 December von decem vn̅ ymber.
19 Danach kam ein meister
20 der hiezet nu̅ma pompei'
21 d` merrete dc iar mit zwein
22 manden dc wc ianuari.' vn̅
23 Februarius Nach der heiden
24 geloͮbe ianus dc ist dez iares
25 got der het zwei hoͮbet dc
26 er hindene vn̅ vorne gesehe
27 nach deme ist der ianuari'
28 genant. wan d` mande ist
Blatt 302 recto Sp. B
1 ein ende dez furgevarne̅ iares
2 vn̅ ein anegenge dez kvnftige̅
3 iares er mac och heizen nach
4 dem worte ianua. wan als
5 man zvͦ einer dure̅ ingat
6 als gat man zvͦ disen mande̅
7 in dc iar. nach der heidene geloͮbe.
8 Februus dc ist der helle̅got
9 darnach der februarius
10 genant. wan die romer warent
11 noch do heidene vn̅ begegint
12 dez hellegotes hoge zit
13 in dem februario. wie de̅ne
14 doch meister nu̅ma dem
15 iare zwelf manden gebe doch
16 mahte er ez ze kvrz. wande
17 die manden warent mane̅
18 manden. die hegenvͦte̅t niht
19 d` sunne̅ loͮfe davon kam ei̅
20 andere dc wc keiser iulius
21 d` mahte der kalendener
22 rehte vn̅ irvollette den gebresten
23 mit einlof dagen
24 die tet er darzvͦ vn̅ ein
25 vierteil eines tages davon
26 het dc iar druͥ hundert vn̅
27 sehzic vn̅ fuͥnf tage vnde
28 sehz stunden. doch vb`greif
Blatt 302 verso Sp. C
1 er mit eime zwelften teile
2 einre stunde̅ Dirre Jvlius teilte
3 iglichem manden sine tage
4 vil ordenlich er vienc an an
5 dem mercen dem gab er ein
6 vn̅ drizic tage dem andern
7 drizic. vn̅ also biz vz dem geraden
8 gap er gerade. dem vngeraden
9 gab er vngerade
10 do er do her vmbe an den
11 ianuariu̅ kam dem solte er
12 ein vn̅ drizic tage han gegebin.
13 vn̅ gebrast im eines tages
14 den nam er dem februario
15 vn̅ ervollete den ianuarium
16 vn̅ sprach d` Februari'
17 kvmit sime gebreste̅ wol
18 nach so ez schaltiar sint wa̅
19 er do keiser wc do wart der
20 mande der vor quintilis hiez
21 Jvlius genant dc tatent im
22 die romer ze liebe wan er i̅
23 dem mandem geborn wart
24 ze glicher wis tatent siv de̅
25 keiser augusto der wc in de̅
26 sextili genant der mande
27 wart august' genant. ab`
28 keiser augustus nidete daz
Blatt 302 verso Sp. D
1 sin mande eines tages kvrzir
2 wc danne iulius. vnde
3 nam einen tac vz dem Februario
4 vn̅ leite den in sinen
5 mande̅ do beleip der februarius
6 mit eht vn̅ zwenzic
7 dagen. wan do drie mande̅
8 nah enander gie̅gent der
9 ieglicher ein vn̅ drizic hete
10 d` iulius. august.' vn̅ september
11 davon nam der keiser
12 augustus eine̅ tac vz de
13 septemberi vn̅ gab in dem
14 octobri. vn̅ nam eine̅ vz de̅
15 novembri vn̅ gap in dem
16 decembri also stant die ma̅den
17 noch bi vnsern ziten.
18 Danach wissest dc ieglich
19 mande drier hande tage het
20 dc sint kalende none vn̅
21 Idus kalende. Daz ist als der
22 spreche colende. wan an dem
23 ersten tage iegliches manden
24 so vͦbtent siv eine goti̅
25 die hiez iuno. kalo dc sprichet
26 ruͦfen davon kvmet
27 och wol calende wan so rief
28 ein butel vor hin etwie la̅ge
Blatt 303 recto Sp. A
1 vn̅ kvnte den merkint vn̅
2 die hohgezit. kalo dc ist gvͦt
3 davon heizit ez och kalende
4 wan so hantgiftet ein frͥu̅t
5 dem andern in dem namen
6 dc in gelucke vn̅ guͦt davo̅
7 volgete. Non dc ist niht da
8 von kvmet none wan kei̅
9 got enthilt niht die hohgezit
10 ivnonis in den tage̅
11 oder none dc ist als noue
12 wan die tage so fundent
13 romer nvͥwe reht nvndine
14 dc sint mestage wan do
15 hie vor die mestage in disen
16 tagen warent davon heizent
17 dise tage none. yd'
18 dc kvmet von eim krͥechschen
19 worte. ydos. dc ist ein
20 teilunge. wan dise tage sit̅
21 vil bi der halbe mande od`
22 von sich die mestage da̅ne
23 schiedent. Nv soltu wisse̅
24 in ieglichem manden sint
25 zwene vbile tage nach d`
26 heiden geloͮben wc ez vbel
27 dc man an den tagen kein
28 werk anvienc. vn̅ wer a̅
Blatt 303 recto Sp. B
1 den tagen siech wart d` starb
2 oder genas kvme an den selben
3 tagen plagete got dc
4 volk von egipto mit den grozen
5 slegen och warent etlich
6 heidene die opfirtent an disen
7 tagen ir eigen menslich
8 bluͦt dem hellegote d` da heizit
9 pluto davon wart ez v`botten
10 dc nieman lazin solte
11 an disen tagen dc man iht
12 arcwane dc man menslich
13 bluͦt opfere dem duvele.
14 Sant Augustinus verbuͥtet
15 dc man iht bluͦt opfere plutoni
16 noch hochgezit began
17 iunon an den kalendis. Der
18 irkennen welle in iegliche̅
19 manden weles sint verworfene
20 tage. vn̅ wele stunde
21 schedelich ist an den selben
22 tagen der lerne an dise̅ v`sen
23 Armis.